കൊല്ലം: ശബരിമല സ്വര്ണക്കൊള്ളയില് തിരുവിതാംകൂര് ദേവസ്വം ബോര്ഡ് മുന് പ്രസിഡന്റ് എ പത്മകുമാറിന്റെ റിമാന്ഡ് 14 ദിവസത്തേക്ക് കൂടി നീട്ടി. ഉണ്ണികൃഷ്ണന് പോറ്റി , ഗോവര്ദ്ധന്, ഭണ്ഡാരി എന്നിവര്ക്കായി അന്വേഷണ സംഘം കസ്റ്റഡി അപേക്ഷ നല്കി. ദ്വാരപാലക ശില്പ്പ കേസിലെ ജാമ്യാപേക്ഷയില് 7നാണ് വിധി.
അതേസമയം, ശബരിമല സ്വര്ണ്ണക്കവര്ച്ചാ കേസ് അന്വേഷിക്കുന്ന പ്രത്യേക അന്വേഷണ സംഘത്തില് രണ്ട് സിഐമാരെ കൂടി ഉള്പ്പെടുത്തി വിപുലീകരിക്കാന് ഹൈക്കോടതി അനുമതി നല്കി. ഹൈക്കോടതിയുടെ അവധിക്കാല ബെഞ്ചാണ് നടപടിയെടുത്തത്. അടിയന്തിര ആവശ്യമായി ഇക്കാര്യം പരിഗണിക്കണമെന്നും ഉദ്യോഗസ്ഥരെ ഉടനടി അനുവദിക്കണമെന്നുമാണ് എസ്ഐടി ഹൈക്കോടതിയോട് ആവശ്യപ്പെട്ടിരുന്നത്.