കൊച്ചി: സംസ്ഥാനത്ത് എ.ഐ ക്യാമറകള് സ്ഥാപിച്ചതില് അഴിമതി ആരോപിച്ച് പ്രതിപക്ഷ നേതാവ് വി ഡി സതീശനും രമേശ് ചെന്നിത്തലയും നല്കിയ പൊതുതാല്പ്പര്യ ഹരജി ഹൈക്കോടതി തള്ളി.ഹൈക്കോടതി മേല്നോട്ടത്തില് അന്വേഷണം ആവശ്യപ്പെട്ടാണ് ഇരുനേതാക്കളും ഹൈകോടതിയെ സമീപിച്ചിരുന്നത്.
ഹരജിയില് ചീഫ് ജസ്റ്റിസ് നിതിന് ജാംദാര്, ജസ്റ്റിസ് ബസന്ത് ബാലാജി എന്നിവരടങ്ങിയ ഡിവിഷന് ബെഞ്ചാണ് വാദം കേട്ട ശേഷം ഹര്ജി തള്ളിയത്.ആരോപണങ്ങളില് വസ്തുതാപരമായ തെളിവുകളില്ലെന്നും കരാറില് അഴിമതി നേരിട്ട് വ്യക്തമാക്കുന്ന ഒരു തെളിവും ഹര്ജിക്കാര് നല്കിയിട്ടില്ലെന്ന നിരീക്ഷണത്തോടെയാണ് കോടതി കോണ്ഗ്രസ് നേതാക്കളുടെ ആവശ്യം തള്ളിയത്. കരാര് ഏറ്റെടുത്ത കമ്പനികള് ഉപകരാര് നല്കിയതും ഈ കമ്പനികളുടെ സാങ്കേതിക മികവിലടക്കം കരാറുമായി ബന്ധപ്പെട്ട് പ്രതിപക്ഷം ഗൗരവമായ ആരോപണങ്ങളായിരുന്നു ഉയര്ത്തിയിരുന്നത്.
എഐ ക്യാമറ ഉള്പ്പടെ നിയമപരമായ നടപടികളിലൂടെയല്ല കരാറുകളും ഉപകരാറുകളും നല്കിയതെന്നാണ് ഹര്ജിയിലെ പ്രധാന ആരോപണം. പൊതുനന്മയെ കരുതിയാണ് ഹര്ജി നല്കിയത്. എല്ലാ മാനദണ്ഡങ്ങളേയും മറികടന്നാണ് കരാര്.കണ്ണൂര് ആസ്ഥാനമാക്കിയുള്ള ചില തട്ടിക്കൂട്ട് കമ്പനികളാണ് ഇതിന് പിന്നിലെന്നും പ്രതിപക്ഷ നേതാവ് പറഞ്ഞിരുന്നു. കെല്ട്രോണും എസ്ആര്ഐടിയും തമ്മില് ഉണ്ടാക്കിയ കരാറും മോട്ടര് വാഹന വകുപ്പ് കെല്ട്രോണുമായുണ്ടാക്കിയ കരാറും നിയമവിരുദ്ധമായതിനാല് റദ്ദാക്കണം എന്നിവയായിരുന്നു ഹര്ജിയിലെ ആവശ്യങ്ങള്. എന്നാല് സര്ക്കാര് നിലപാട് അംഗീകാരിച്ച കോടതി ഹര്ജി തള്ളുകയായിരൂന്നൂ
..