ഇത്തിഹാദ് എയർവേയ്സ് പരിമിത സർവീസുകൾ പുനരാരംഭിച്ചു; മാർച്ച് 10-നുള്ള ഷെഡ്യൂൾ അപ്ഡേറ്റ് പുറത്തിറക്കി

അബുദാബി: മിഡിൽ ഈസ്റ്റിലെ സാഹചര്യങ്ങൾ മെച്ചപ്പെട്ടതോടെ ഇത്തിഹാദ് എയർവേയ്സ് ഘട്ടംഘട്ടമായി വാണിജ്യ വിമാന സർവീസുകൾ പുനരാരംഭിക്കുകയാണ്. 2026 മാർച്ച് 6 മുതൽ പരിമിത സർവീസുകൾ ആരംഭിച്ച എയർലൈൻ, മാർച്ച് 10-ലേക്കുള്ള പുതുക്കിയ ഷെഡ്യൂൾ പ്രഖ്യാപിച്ചു. സുരക്ഷാ മാനദണ്ഡങ്ങൾ കർശനമായി പാലിച്ചുകൊണ്ട് തിരഞ്ഞെടുത്ത പ്രധാന ലക്ഷ്യസ്ഥാനങ്ങളിലേക്കാണ് സർവീസുകൾ നടത്തുന്നത്.മുൻകൂട്ടി ബുക്ക് ചെയ്ത യാത്രക്കാരെയാണ് ആദ്യം ഉൾപ്പെടുത്തുന്നത്. പുതിയ ടിക്കറ്റുകൾ etihad.com വഴി ലഭ്യമാണ്. കൺഫേം ചെയ്ത ബുക്കിംഗ് ഉള്ളവരെയോ എയർലൈൻ നേരിട്ട് ബന്ധപ്പെട്ടവരെയോ ഒഴികെ ആരും വിമാനത്താവളത്തിലേക്ക് പോകരുതെന്ന് ഇത്തിഹാദ് പ്രത്യേകം നിർദേശിച്ചു.മാർച്ച് 6 മുതൽ 19 വരെ അബുദാബിയിൽ നിന്ന് ആഹ്മദാബാദ്, അദിസ് അബാബ, ആംസ്റ്റർഡാം, അഥൻസ്, അറ്റ്ലാന്റ, ബാംഗ്കോക്ക്, ബാഴ്സലോണ, ബീജിങ്, ബെംഗളൂരു, ബോസ്റ്റൺ, ബ്രസ്സൽസ്, കെയ്റോ, കസാബ്ലാങ്ക, ചിയാങ് മായ്, ഷിക്കാഗോ, കൊളംബോ, കോപ്പൻഹേഗൻ, ഡൽഹി, ഡെൻപാസർ (ബാലി), ഡബ്ലിൻ, ഡസൽഡോർഫ്, ഫ്രാങ്ക്ഫർട്ട്, ജനീവ, ഹനോയ്, ഹോങ്കോങ്ങ്, ഹൈദരാബാദ്, ഇസ്ലാമാബാദ്, ഇസ്താംബുൾ, ജക്കാർത്ത, ജിദ്ദ, കറാച്ചി, കൊച്ചി, കൊൽക്കത്ത, കോഴിക്കോട്, ക്രാബി, കുവാലാലംപൂർ, ലാഹോർ, ലണ്ടൻ (ഹീത്രോ), മാഡ്രിഡ്, മാലെ, മാഞ്ചസ്റ്റർ, മനില, മദീന, മെൽബേൺ, മിലാൻ (മാൽപെൻസ), മോസ്കോ (ഷെറെമെത്യേവോ), മുംബൈ, മ്യൂണിക്ക്, മസ്കത്ത്, നൈറോബി, ന്യൂയോർക്ക് (JFK), പാരിസ്, ഫ്നോം പെൻ, ഫൂക്കറ്റ്, പ്രാഗ്, റിയാദ്, റോം, സിയോൾ (ഇൻചിയോൺ), സെയ്ഷെൽസ്, സിംഗപ്പൂർ, സെന്റ് പീറ്റേഴ്സ്ബർഗ്, സിഡ്നി, തായ്പേ, തിരുവനന്തപുരം, ടോക്കിയോ, ടൊറന്റോ, വിയന്ന, വാർസോ, വാഷിംഗ്ടൺ, സൂറിച്ച് തുടങ്ങിയ ലക്ഷ്യസ്ഥാനങ്ങളിലേക്കാണ് സർവീസുകൾ.എല്ലാ സർവീസുകളും അധികൃതരുടെ അനുമതിയോടെയും വ്യോമപാതയിലെ സാഹചര്യങ്ങൾക്കനുസരിച്ചുമായിരിക്കും. ഷെഡ്യൂളുകളിൽ മാറ്റങ്ങൾ വരാം എന്ന മുന്നറിയിപ്പും ഉണ്ട്. സുരക്ഷാ മാനദണ്ഡങ്ങൾ പൂർണമായി ഉറപ്പാക്കിയ ശേഷം മാത്രമേ സർവീസുകൾ നടത്തൂ എന്ന് എയർലൈൻ വ്യക്തമാക്കി. യാത്രക്കാരെ നേരിട്ട് ബന്ധപ്പെട്ട് വിമാനത്തിന്റെ സ്ഥിതിയും ബദൽ ഓപ്ഷനുകളും അറിയിക്കുമെന്നും പ്രസ്താവനയിൽ പറയുന്നു.അബുദാബി വിമാനത്താവളത്തിൽ നിന്നുള്ള പരിമിത സർവീസുകൾ തുടരുന്നതിനാൽ, യാത്രക്കാർ etihad.com-ൽ പുതിയ അപ്ഡേറ്റുകൾ പരിശോധിക്കണമെന്ന് എയർലൈൻ ഓർമിപ്പിച്ചു.