തിരുവനന്തപുരം: പശ്ചിമേഷ്യയിൽ ഇറാൻ-ഇസ്രയേൽ സംഘർഷം രൂക്ഷമാകുന്ന സാഹചര്യത്തിൽ, ഗൾഫ് മേഖലയിലുള്ള മലയാളികളുടെ സുരക്ഷ ഉറപ്പാക്കാൻ സംസ്ഥാന സർക്കാർ അടിയന്തിര നടപടി സ്വീകരിച്ചു. പ്രവാസികൾക്ക് ആവശ്യമായ മാർഗ്ഗനിർദ്ദേശങ്ങളും സഹായവും നൽകുന്നതിനായി നോർക്ക ഹെൽപ്പ് ഡെസ്ക് ഉടൻ ആരംഭിക്കാൻ മുഖ്യമന്ത്രി പിണറായി വിജയൻ നിർദ്ദേശം നൽകി.
ഗൾഫ് രാജ്യങ്ങളിലെ വിദേശ സൈനിക താവളങ്ങളെ ലക്ഷ്യമിട്ടുള്ള നീക്കങ്ങൾ മേഖലയിൽ വലിയ ആശങ്ക പരത്തുന്നുണ്ട്. ഈ പശ്ചാത്തലത്തിൽ പൗരന്മാർ ജാഗ്രത പാലിക്കണമെന്ന് സർക്കാർ അറിയിച്ചു.
സഹായത്തിനായി ബന്ധപ്പെടാംവിദേശത്തുള്ള മലയാളികൾക്കും അവരുടെ ബന്ധുക്കൾക്കും താഴെ പറയുന്ന നമ്പറുകളിൽ ബന്ധപ്പെട്ട് വിവരങ്ങൾ കൈമാറാവുന്നതാണ്:അന്താരാഷ്ട്ര മിസ്ഡ് കോൾ നമ്പർ: +91-8802012345ഇന്ത്യയിൽ നിന്നുള്ള ടോൾ ഫ്രീ നമ്പർ: 1800 425 3939
നിലവില് ഗള്ഫ് രാജ്യങ്ങളിലെ അമേരിക്കൻ സൈനിക താവളങ്ങള്ക്ക് നേരെയാണ് ഇറാൻ ആക്രമണം തൊടുത്തുവച്ചിരിക്കുന്നത്. ബഹ്റൈൻ, കുവൈത്ത്, ഖത്തർ, സൗദി തുടങ്ങിയ രാജ്യങ്ങളിലാണ് ആക്രമണം നടത്തിയിട്ടുള്ളത്.