കണ്ണൂർ: റെയിൽവേ സ്റ്റേഷനിൽ കെഎസ്യു പ്രവർത്തകർ നടത്തിയ കരിങ്കൊടി പ്രതിഷേധത്തിനിടെ ആരോഗ്യമന്ത്രി വീണാ ജോർജിന് പരിക്കേറ്റു. തിരുവനന്തപുരത്തേക്ക് പോകാനായി വന്ദേഭാരത് എക്സ്പ്രസ് കാത്തുനിൽക്കുന്നതിനിടെയാണ് നാടകീയമായ സംഭവങ്ങൾ അരങ്ങേറിയത്. മന്ത്രിയുടെ കഴുത്തിലും കൈയിലുമാണ് പരിക്കേറ്റത്.പരിക്കേറ്റതിനെത്തുടർന്ന് ഉടൻ തന്നെ മന്ത്രിയെ പരിശോധനകൾക്കായി ആശുപത്രിയിലേക്ക് മാറ്റി.
വന്ദേഭാരത് ട്രെയിനിൽ യാത്ര തിരിക്കാനിരുന്ന മന്ത്രി, ആരോഗ്യനില കണക്കിലെടുത്ത് യാത്ര റദ്ദാക്കി.സംഭവസമയത്ത് സ്പീക്കർ എ.എൻ. ഷംസീറും സ്ഥലത്തുണ്ടായിരുന്നു.കണ്ണൂർ റെയിൽവേ സ്റ്റേഷനിൽ
പ്രതിഷേധക്കാരും പോലീസും തമ്മിൽ ഉന്തും തള്ളും ഉണ്ടായതായാണ് റിപ്പോർട്ടുകൾ. മന്ത്രിയുടെ സുരക്ഷാ ക്രമീകരണങ്ങളിൽ വീഴ്ചയുണ്ടായോ എന്ന കാര്യത്തിൽ വരും മണിക്കൂറുകളിൽ കൂടുതൽ വ്യക്തത ലഭിക്കും.