കൊല്ലം : ശബരിമല സ്വര്ണകൊള്ളക്കേസില് പ്രതി ഉണ്ണികൃഷ്ണന് പോറ്റി സമര്പ്പിച്ച ജാമ്യ ഹര്ജി കൊല്ലം വിജിലന്സ് കോടതി തള്ളി. ആദ്യം അറസ്റ്റിലായ ആളാണെന്നും, റിമാന്ഡ് 90 ദിവസം ആകുന്നു എന്നുമാണ് പോറ്റി കോടതിയില് വാദിച്ചത്. ഇനിയും തൊണ്ടി മുതല് കണ്ടെടുക്കാന് ഉണ്ടെന്ന് എസ്ഐടി കോടതിയെ അറിയിച്ചു. ഇത് അംഗീകരിച്ചു കൊണ്ടാണ് കോടതി ജാമ്യ ഹര്ജി തള്ളിയത്. ഉണ്ണികൃഷ്ണന് പോറ്റിക്ക് ജാമ്യം നിഷേധിക്കുന്നത് ഇത് രണ്ടാം തവണയാണ്. ആദ്യം സമര്പ്പിച്ച ജാമ്യപേക്ഷകള് ഹൈക്കോടതി തള്ളിയതിന് പിന്നാലെയാണ് വീണ്ടും വിജിലന്സ് കോടതിയെ സമീപിച്ചത്.
സ്വര്ണകൊള്ള; ഉണ്ണികൃഷ്ണന് പോറ്റിയുടെ ജാമ്യ ഹര്ജി കോടതി തള്ളി
