പാലക്കാട്: ഒലവക്കോട് റെയില്വേ സ്റ്റേഷനില് നിന്നും ബീഹാറിൽ നിന്ന് രേഖകളില്ലാതെ കൊണ്ടുവന്ന 21 കുട്ടികളെ കണ്ടെത്തി. 10 മുതല് 13 വയസു വരെ പ്രായമുള്ള കുട്ടികളെയാണ് കണ്ടെത്തിയത്. വിവേക് എക്സ്പ്രസിലാണ് കുട്ടികളെ എത്തിച്ചത്. കോഴിക്കോട്ടെ സ്ഥാപനത്തില് പഠിക്കാന് എത്തിയതാണെന്ന് കുട്ടികള് പറഞ്ഞു. ബിഹാറിലെ കിഷന്ഗഞ്ച് ജില്ലയില് നിന്നാണ് കുട്ടികൾ എത്തിയതെന്ന് പോലീസ് അറിയിച്ചു.
കൃത്യമായ രേഖകള് ഒന്നുമില്ലാത്തതിനാല്, കുട്ടികളെ ചൈല്ഡ് വെല്ഫയര് കമ്മിറ്റിക്ക് കൈമാറി. സംഭവത്തില് പോലീസ് അന്വേഷണം ആരംഭിച്ചു. കുട്ടികള് പറഞ്ഞ സ്ഥാപനത്തെക്കുറിച്ചും രക്ഷിതാക്കളെ ബന്ധപ്പെടാനും പോലീസ് ശ്രമം ആരംഭിച്ചു.