തിരുവനന്തപുരം: സ്വര്ണക്കൊള്ള കേസ് അന്വേഷിക്കുന്ന എസ്ഐടിയില് സിപിഎം ബന്ധമുള്ള രണ്ട് സിഐമാരെ നിയോഗിച്ചത് അന്വേഷണം അട്ടിമറിക്കാനെന്ന് പ്രതിപക്ഷ നേതാവ് വിഡി സതീശൻ ആരോപിച്ചു. നിയമനത്തിന് പിന്നില് മുതിര്ന്ന രണ്ട് ഐപിഎസ് ഉദ്യോഗസ്ഥരും ക്രൈംബ്രാഞ്ചിലെ ഉന്നതനുമാണ്. ഹൈക്കോടതി മേല്നോട്ടത്തിലുള്ള എസ്.ഐ.ടിയില് നുഴഞ്ഞ് കയറാനും വാര്ത്തകള് സര്ക്കാരിലേക്ക് ചോര്ത്താനുമുള്ള നീക്കം. എസ്.ഐ.ടിയെ നിര്വീര്യമാക്കാനുള്ള നീക്കത്തില് ഹൈക്കോടതി അടിയന്തരമായി ഇടപെടണമെന്നും അദ്ദേഹം വാര്ത്താ സമ്മേളനത്തിൽ ആവശ്യപ്പെട്ടു.
മുതിര്ന്ന ഒരു ഐ.പി.എസ് ഉദ്യോഗസ്ഥര് എസ്.ഐ.ടിയെ സ്വാധീനിക്കാള് ശ്രമിക്കുന്നെന്ന് കഴിഞ്ഞ ദിവസം പ്രതിപക്ഷനേതാവ് ആരോപണം ഉന്നയിച്ചിരുന്നു.