തിരുവനന്തപുരം: ശബരിമല സ്വര്ണക്കൊള്ളയില് പഞ്ചലോഹ വിഗ്രഹങ്ങള് വാങ്ങിയെന്ന് ആരോപണം ഉയര്ന്ന ചെന്നൈ സ്വദേശിയായ വ്യവസായി ഡി. മണിയില് നിന്നു മൊഴിയെടുക്കാന് എസ്ഐടി സംഘം ചെന്നൈയിലേക്ക് പുറപ്പെട്ടു.
പ്രവാസി വ്യവസായി എസ്ഐടിക്ക് നല്കിയ മൊഴിയുടെ അടിസ്ഥാനത്തിലാണ് അന്വേഷണം ഡി മണിയിലേക്കു നീങ്ങിയത്.നാല് പഞ്ചലോഹവിഗ്രങ്ങള് ശബരിമലയില് നിന്നു കടത്തിയെന്നും ഇതിന് ഇടനിലക്കാരനായി നിന്നത് ഉണ്ണികൃഷ്ണന് പോറ്റിയായിരുന്നെന്നുമാണ് പ്രവാസി വ്യവസായി എസ്ഐടിക്ക് മൊഴി നല്കിയത്.
2020 ഒക്ടോബര് 26 ന് വിഗ്രഹങ്ങള് വില്പ്പന നടത്തിയതിനുള്ള പണം കൈമാറ്റം നടന്നുവെന്നും ശബരിമലയിലെ ഭരണചുമതലയുള്ള ഒരു ഉന്നതനും ഉണ്ണിക്കൃഷ്ണന് പോറ്റിയും ഡി. മണിയും മാത്രമായിരുന്നു പണം കൈമാറ്റസമയത്ത് ഉണ്ടായിരുന്നതെന്നാണ് പ്രവാസിയുടെ മൊഴി.