പാലക്കാട്: വാളയാറില് ആള്ക്കൂട്ട മര്ദ്ദനത്തെത്തുടര്ന്ന് റാം നാരായണ് ബകേല് കൊല്ലപ്പെട്ട സംഭവത്തില് പ്രതികരിച്ച് മുഖ്യമന്ത്രി പിണറായി വിജയന്. പ്രതികള്ക്കതിരെ കര്ശന നടപടി എടുക്കുമെന്നും കുടുംബത്തിന് നീതി ഉറപ്പാക്കുമെന്നും മുഖ്യമന്ത്രി പ്രസ്താവനയില് അറിയിച്ചു. സര്ക്കാര് പരിശോധിച്ച് ഉചിതമായ നഷ്ടപരിഹാരം ഉറപ്പാക്കും. കേരളം പോലുള്ള പരിഷ്കൃത സമൂഹത്തിന്റെ യശസ്സിന് കളങ്കമുണ്ടാക്കുന്ന ഇത്തരം സംഭവങ്ങള് ആവര്ത്തിക്കാതിരിക്കാന് എല്ലാവരും ജാഗ്രത കാണിക്കണമെന്നും മുഖ്യമന്ത്രി ആവശ്യപ്പെട്ടു.
പാലക്കാട് എസ്പിയുടെ നേതൃത്വത്തിലുള്ള പ്രത്യേക സംഘമാണ് കേസ് അന്വേഷിക്കുന്നത്. കേസിന്റെ വിശദംശങ്ങള് പരിശോധിച്ച് ആവശ്യമായ നിയമ നടപടികള് കൈക്കൊള്ളാന് നിര്ദേശം നല്കിയിട്ടുണ്ടെന്നും മുഖ്യമന്ത്രി വ്യക്തമാക്കി.