തിരുവന്തപുരം : ക്രിസ്മസ് സ്പെഷൽ ട്രെയിനുകൾ അനുവദിച്ച് റെയിൽവേ. ബംഗളൂരുവിൽനിന്ന് കൊല്ലത്തേക്കും കൊല്ലം വഴി തിരുവനന്തപുരത്തേക്കും മൂന്ന് ട്രയിനുകളാണ് അനുവദിച്ചത്. എസ്എംവിടി ബംഗളൂരു – കൊല്ലം സ്പെഷൽ 27ന് ഉച്ചകഴിഞ്ഞ് മൂന്നിന് ബംഗളൂരുവിൽനിന്ന് പുറപ്പെട്ട് പിറ്റേദിവസം രാവിലെ 7.25 ന് കൊല്ലത്ത് എത്തും. പാലക്കാട്, തൃശൂർ, ആലുവ, എറണാകുളം ടൗൺ, കോട്ടയം, ചങ്ങനാശേരി, തിരുവല്ല, ചെങ്ങന്നൂർ, മാവേലിക്കര, കായംകുളം സ്റ്റേഷനുകളിൽ ഈ ട്രെയിന് സ്റ്റോപ്പുണ്ട്.
ഹുബ്ബള്ളി – തിരുവനന്തപുരം നോർത്ത് (കൊച്ചുവേളി) സ്പെഷൽ നാളെ രാവിലെ 6.55ന് ഹുബ്ബള്ളിയിൽനിന്ന് പുറപ്പെട്ട് പിറ്റേ ദിവസം രാവിലെ 10.30ന് കൊച്ചുവേളിയിൽ എത്തും. പാലക്കാട്, തൃശൂർ, ആലുവ, എറണാകുളം ടൗൺ, കോട്ടയം, ചങ്ങനാശേരി, തിരുവല്ല, ചെങ്ങന്നൂർ, മാവേലിക്കര, കായംകുളം, കൊല്ലം, വർക്കല എന്നിവിടങ്ങളിൽ ഈ ട്രെയിന് സ്റ്റോപ്പ് അനുവദിച്ചിട്ടുണ്ട്.
കൊച്ചുവേളി – എസ്എംവിറ്റി ബംഗളൂരു സ്പെഷൽ ട്രെയിൻ കൊച്ചുവേളിയിൽനിന്ന് 24ന് ഉച്ചയ്ക്ക് 12.40ന് പുറപ്പെട്ട് 25 ന് രാവിലെ 5.50ന് ബംഗളൂരുവിൽ എത്തും. ട്രയിനുകൾക്കുള്ള മുൻകൂർ റിസർവേഷൻ ആരംഭിച്ചതായി റെയിൽവേ അധികൃതർ അറിയിച്ചു.