മലപ്പുറം: മുന്നണി ബന്ധം ശക്തിപ്പെടുത്തേണ്ട നിര്ണായക ഘട്ടത്തില്, കോണ്ഗ്രസ് നേതാക്കള്ക്കെതിരെ മുന്നറിയിപ്പുമായി മുസ്ലീം ലീഗ്. നേതാക്കള് അപക്വമായ പ്രസ്താവനകള് നടത്തുന്നത് ഒഴിവാക്കണമെന്നും, ഇത്തരം പ്രസ്താവനകള് മുന്നണിയുടെ കെട്ടുറപ്പിനെ ബാധിക്കുമോ എന്ന് ആലോചിക്കണമെന്നും മുസ്ലീം ലീഗ് സംസ്ഥാന ജനറല് സെക്രട്ടറി പിഎംഎ സലാം ആവശ്യപ്പെട്ടു.
ഇത് തന്റെ വ്യക്തിപരമായ അഭിപ്രായമല്ലെന്നും മുസ്ലീം ലീഗിന്റെ ഔദ്യോഗിക നിലപാടാണ് വ്യക്തമാക്കുന്നതെന്നും പിഎംഎ സലാം അറിയിച്ചു. മുന്നണിയും പാര്ട്ടിയും ഒറ്റക്കെട്ടായി നില്ക്കേണ്ട സമയമാണിതെന്നും അദ്ദേഹം കൂട്ടിച്ചേര്ത്തു. തദ്ദേശഭരണ തിരഞ്ഞെടുപ്പില് വെല്ഫെയര് പാര്ട്ടിയുടെ വോട്ടുകള് യുഡിഎഫിന് ലഭിച്ചിട്ടുണ്ടെന്നും അദ്ദേഹം വ്യക്തമാക്കി. കേരളത്തിലെ തദ്ദേശഭരണ തിരഞ്ഞെടുപ്പില് യുഡിഎഫിന് വലിയ മുന്നേറ്റമുണ്ടാകുമെന്നും പി.എം.എ. സലാം പ്രതീക്ഷ പ്രകടിപ്പിച്ചു.