കൊച്ചി: നടിയെ ആക്രമിച്ച കേസില് എറണാകുളം പ്രിന്സിപ്പല് സെഷന്സ് കോടതിയില് വാദം കഴിഞ്ഞു. 3.30ന് കോടതി ശിക്ഷ വിധിക്കും. പ്രതികള് കുറ്റക്കാരാണെന്ന് നേരത്തെ കണ്ടെത്തിയിരുന്നു. കേസുമായി ബന്ധപ്പെട്ട കോടതിയലക്ഷ്യ ഹര്ജികള് ജനുവരി 18ന് പരിഗണിക്കും.
എന്.എസ്.സുനില് (പള്സര് സുനി), മാര്ട്ടിന് ആന്റണി, ബി.മണികണ്ഠന്, വി.പി.വിജീഷ്, എച്ച്.സലിം, പ്രദീപ് എന്നിവരാണ് പ്രതികള്. പി.ഗോപാലകൃഷ്ണന് (ദിലീപ്), ചാര്ലി തോമസ്, സനില് കുമാര്, ജി.ശരത്ത് എന്നിവരെ കുറ്റവിമുക്തരാക്കിയിരുന്നു. നടന് ദിലീപിനെതിരെ ഗൂഢാലോചനക്കുറ്റം തെളിയിക്കാന് പ്രോസിക്യൂഷനു കഴിഞ്ഞില്ല. വിധിക്കെതിരെ അപ്പീല് നല്കുമെന്ന് സര്ക്കാര് വ്യക്തമാക്കിയിട്ടുണ്ട്.