കൊച്ചി ; കഴിഞ്ഞ വെള്ളിയാഴ്ച റിലീസ് ചെയ്യാനിരുന്ന ഷെയ്ന്‍ നിഗം നായകനായ ‘ഹാല്‍’ ചിത്രത്തിന് പിന്തുണയുമായി സോഷ്യല്‍ മീഡിയ ക്യാമ്പയിന്‍. ‘വെട്ടി മുറിക്കാത്ത ഹാല്‍ മൂവി ഞങ്ങള്‍ക്ക് കാണണം’ എന്നതാണ് ഈ ക്യാമ്പെയ്ന്. എന്ന പോസ്റ്റോടു കൂടിയാണ് സോഷ്യല്‍ മീഡിയയില്‍ കാമ്പെയ്ന്‍ ആരംഭിച്ചിരിക്കുന്നത്. നടനും സംവിധായകനുമായ മധുപാല്‍ ഉള്‍പ്പെടെയുള്ളവര്‍ ക്യാമ്പെയ്ന് പിന്തുണയുമായെത്തി. ചിത്രത്തിലെ ചില സംഭാഷണശകലങ്ങളും ബീഫ് ബിരിയാണി കഴിക്കുന്നത് ഉള്‍പ്പെടെ 15 രംഗങ്ങളും നീക്കം ചെയ്താല്‍ മാത്രമേ എ സര്‍ട്ടിഫിക്കറ്റ് നല്‍കുകയുള്ളൂ എന്നാണ് സെന്‍ട്രല്‍ ബോര്‍ഡ് ഓഫ് ഫിലിം സര്‍ട്ടിഫിക്കേഷന്‍ (സിബിഎഫ്സി) അണിയറ പ്രവര്‍ത്തകരെ അറിയിച്ചിരിക്കുന്നത്. സോഷ്യല്‍ മീഡിയയില്‍പ്രതിഷേധം കനക്കുന്ന സാഹചര്യത്തില്‍ ചിത്രത്തിന്റെ നിര്‍മാതാക്കളായ ജെവിജെ പ്രൊഡക്ഷന്‍സ് സെന്‍സര്‍ ബോര്‍ഡിന്റെ നടപടിക്കെതിരെ ഹൈക്കോടതിയെ സമീപിച്ചിരിക്കുകയാണ്. കേസ് ചൊവ്വാഴ്ചത്തേക്ക് മാറ്റിവെച്ചുവെന്ന് സംവിധായകന്‍ വീര അറിയിച്ചു.
ഹാല്‍ മൂവിക്ക് പിന്തുണയുമായി സോഷ്യല്‍ മീഡിയ ക്യാമ്പയിന്‍
