തിരുവനന്തപുരം: തിരുവനന്തപുരം മെഡിക്കല്‍ കോളജിലെ സൂപ്രണ്ട് ഡോ. ബി എസ് സുനില്‍കുമാറിന് മാറ്റം. ഡോ.സി ജി ജയചന്ദ്രനെയാണ് പുതിയ സൂപ്രണ്ടായി ചുമതലപ്പെടുത്തിയിരിക്കുന്നത്. സൂപ്രണ്ട് പദവിയില്‍ നിന്ന് മാറ്റണം എന്നാവശ്യപ്പെട്ട് സുനില്‍കുമാര്‍ നേരത്തെ കത്ത് നല്‍കിയിരുന്നു. ആശുപത്രിയുടെ സൂപ്രണ്ടായി തുടരാന്‍ താത്പര്യമില്ലെന്ന് അറിയിച്ച് ഡോ.സുനില്‍ കുമാര്‍ മെഡിക്കല്‍ കോളേജ് പ്രിന്‍സിപ്പാളിന് കത്ത് നല്‍കിയിരുന്നു. ഗേവഷണ ആവശ്യം മുന്‍നിര്‍ത്തി വിടുതല്‍ നല്‍കണമെന്ന ആവശ്യം പരിഗണിച്ച് സുനില്‍ കുമാറിനെ സ്ഥാനത്ത് നിന്ന് മാറ്റുന്നു എന്നാണ് ഉത്തരവില്‍ പറയുന്നത്. സൂപ്രണ്ട് ആയതോടെ ജോലിയില്‍ ശ്രദ്ധിക്കാന്‍ കഴിയുന്നില്ലെന്ന് ചൂണ്ടിക്കാട്ടിയായിരുന്നു കത്ത്. ഡോ.ഹാരിസിന്റെ തുറന്നുപറച്ചില്‍ അടക്കം തിരുവനന്തപുരം മെഡിക്കല്‍ കോളേജില്‍ വിവാദങ്ങള്‍ തുടര്‍ക്കഥയായതോടെയാണ് ഡോ .സുനില്‍ കുമാര്‍ സൂപ്രണ്ട് സ്ഥാനം ഒഴിയാന്‍ സന്നദ്ധത അറിയിച്ചത്. ഡോ.ഹാരിസിനെതിര സൂപ്രണ്ടും പ്രിന്‍സിപ്പാളും നടത്തിയ വാര്‍ത്താസമ്മേളനവും, വാര്‍ത്താസമ്മേളനത്തിനിടെയുള്ള ഫോണ്‍വിളികളും ഏറെ വിവാദമായിരുന്നു.
തിരുവനന്തപുരം മെഡിക്കല്‍ കോളജിന് പുതിയ സൂപ്രണ്ട്, ബി എസ് സുനില്‍കുമാറിനെ മാറ്റി
