കൊച്ചി: ഒരു മാസമായി നിലച്ച ദേശീയപാതയിലെ പാലിയേക്കര ടോള്‍ പിരിവ് വ്യവസ്ഥകളോടെ പുനരാരംഭിക്കാനുള്ള ഹൈക്കോടതി ഉത്തരവ് വീണ്ടും നീട്ടി. അടുത്ത വ്യാഴാഴ്ച വരെയാണ് നീട്ടിയത്. ചില വ്യവസ്ഥകളോടെ ടോള്‍ പുനരാരംഭിക്കുന്നത് അനുവദിക്കാമെന്ന് കോടതി കഴിഞ്ഞ ദിവസം പരാമര്‍ശിച്ചിരുന്നു. ഗതാഗതക്കുരുക്ക് രൂക്ഷമായതിനെത്തുടര്‍ന്ന് ഒരു മാസം മുമ്പാണ് പാലിയേക്കരയിലെ ടോള്‍ പിരിവ് കോടതി താല്‍ക്കാലികമായി തടഞ്ഞത്. ടോള്‍ പിരിവ് പുനരാരംഭിക്കാന്‍ ദേശീയ പാത അതോറിറ്റി സുപ്രീംകോടതിയെ സമീപിച്ചെങ്കിലും അനുകൂല ഉത്തരവുണ്ടായില്ല. കടുത്ത ഗതാഗതക്കുരുക്കിനെ സര്‍വീസ് റോഡുകളിലടക്കം അറ്റകുറ്റപ്പണി അവസാനഘട്ടത്തിലാണെന്ന് തൃശൂര്‍ ജില്ലാ കലക്ടര്‍ കഴിഞ്ഞ ദിവസം കോടതിയെ അറിയിച്ചിരുന്നു.
ഒരു മാസമായി നിലച്ച പാലിയേക്കര ടോള്‍ പിരിവ് വ്യവസ്ഥകളോടെ പുനരാരംഭിക്കാന്‍ ഹൈക്കോടതി ഉത്തരവ് ഇന്നുണ്ടാകും
