ചാനൽ ജേർണലിസ്റ്റുകളുടെ സ്വകാര്യ സംഭാഷണങ്ങൾ ജനങ്ങളും പുറത്ത് വിട്ടാൽ എന്ത് ചെയ്യും…?

ഒരു പരാതിയുമില്ലാതെ രണ്ട് വ്യക്തികൾ തമ്മിലുള്ള സ്വകാര്യ വിവരങ്ങൾ പുറത്തുവിടുന്നത് എന്ത് പത്രപ്രവർത്തനമാണെന്ന് റിപ്പോർട്ടർ ചാനൽ വ്യക്തമാക്കണം

ചാനൽ ജേർണലിസ്റ്റുകളുടെ
സ്വകാര്യ സംഭാഷണങ്ങൾ പൊതുജനങ്ങൾക്കും പുറത്ത് വിടാമല്ലോ……?

റിപ്പോർട്ടർ ചാനൽ ഉത്തരം പറയേണ്ട ചോദ്യങ്ങൾ:

രാഹുൽ മാങ്കൂട്ടവും ഒരു പെൺകുട്ടിയുമായി പ്രണയവും സെക്സും ഒക്കെ ഉണ്ടായിരുന്നു എന്നുതന്നെ വെക്കാം. അതിൽ പെൺകുട്ടി ഗർഭം ധരിക്കുന്നുവെന്നും വെക്കാം.

നമ്മുടെ അറിവിൽ നിലവിൽ ഈ കേസിൽ ഒരു പരാതിയും ഔദ്യോഗികമായി ആ പെൺകുട്ടി സമർപ്പിച്ചിട്ടില്ല. അറിഞ്ഞിടത്തോളം രാജ്യത്ത് ഒരിടത്തും ഈ വിഷയത്തിൽ ഒരു FIR രജിസ്റ്റർ ചെയ്തിട്ടും ഇല്ല.

അപ്പോൾ ചോദ്യം-1
രാഹുൽ മാങ്കൂട്ടവും ആ പെൺകുട്ടിയും തമ്മിലുള്ള സ്വകാര്യ (പ്രൈവറ്റ്) സംഭാഷണം പുറത്തുവിടാൻ റിപ്പോർട്ടർ ചാനലിന് ആരാണ് അധികാരം നൽകിയത്?

ചോദ്യം-2
റിപ്പോർട്ടർ ചാനൽ ഇങ്ങനെ ഇവരുടെ സംഭാഷണം പുറത്തുവിട്ടത് ആ പെൺകുട്ടിയുടെയും രാഹുൽ മാങ്കൂട്ടത്തിന്റെയും സ്വകാര്യതയിൽ (privacy) നടത്തിയ കൈകടത്തൽ അല്ലേ?

ശ്രദ്ധിക്കുക, ഇവിടെ ദേശ സുരക്ഷയെ ബാധിക്കുന്നതോ സംസ്ഥാനത്തെ ജനങ്ങളെ ബാധിക്കുന്നതോ ആയ വിഷയം ഇല്ല, ഇവിടെ തികച്ചും രണ്ട് വ്യക്തികൾ തമ്മിലുള്ള സ്വകാര്യമായ (പ്രൈവറ്റ്) മാറ്റർ ആണ്.

ചോദ്യം-3
ഇങ്ങനെ പോയാൽ നാളെ ആരുടേയും സംഭാഷണം എടുത്ത് ചാനലുകൾക്ക് സംപ്രേഷണം ചെയ്യാൻ സാധിക്കില്ലേ, അത് സ്വകാര്യതക്കും വ്യക്തി സ്വാതന്ത്ര്യത്തിൻ മേലുമുള്ള കയ്യേറ്റമല്ലേ?

ഇങ്ങനെയൊരു നിയമപരമായ ചോദ്യം, സ്വകാര്യതക്യിന്മേൽ വന്നാൽ കോടതി ചാനലിനോട് ഒപ്പം നിൽക്കില്ല എന്നാണ് സ്വാഭാവികമായും അനുമാനിക്കേണ്ടത്.

ചോദ്യം-4
ഈ പെൺകുട്ടി തന്നെ ഈ സംഭാഷണം രഹസ്യമായി ചാനലിന് കൈമാറി എന്ന് വെക്കുക. അപ്പോൾ അത് സംപ്രേഷണം ചെയ്യുന്ന റിപ്പോർട്ടർ ചാനൽ നടത്തിയത് രാഹുൽ മാങ്കൂട്ടത്തിന്റെ സ്വകാര്യതക്കും വ്യക്തി സ്വാതന്ത്ര്യത്തിൻ മേലുമുള്ള കയ്യേറ്റമല്ലേ?

ചോദ്യം-5
ഒരു പ്രൈവറ്റ് മാറ്ററിന്റെ ഇരുവശവും കേട്ട് തീരുമാനം എടുക്കുവാനുള്ള നിയമപരമായ അധികാരം ബഹുമാനപെട്ട കോടതിക്ക് മാത്രമേ അവകാശം ഉള്ളെന്ന് ഇരിക്കെ, റിപ്പോർട്ടർ ചാനൽ നേരിട്ട് കക്ഷി പോലും അല്ലാതിരിക്കെ രാഹുൽ മാങ്കൂട്ടത്തിനെ കുറ്റക്കാരൻ ആയി വിധിക്കുവാനും, MLA സ്ഥാനം രാജിവെക്കണം എന്ന് ആവശ്യപ്പെടാനും റിപ്പോർട്ടർ ചാനലിന് എന്ത്‌ അധികാരം?

ചോദ്യം-6
രാഹുൽ മാങ്കൂട്ടത്തെ കുറ്റവാളിയായി വിധിച്ച് ഫോൺ സംഭാഷണം പുറത്തു വിടുന്ന സമയം ആ പെൺകുട്ടി യഥാർത്ഥത്തിൽ ഗർഭിണി ആയിരുന്നു എന്നതിന് റിപ്പോർട്ടർ ചാനലിന്റെ കൈവശം തെളിവായി എന്ത്‌ മെഡിക്കൽ രേഖയാണ് ഉണ്ടായിരുന്നത്?

ചോദ്യം-7
ഇനി ആ പെൺകുട്ടി ഗർഭിണി ആയിരുന്നുവെങ്കിൽ അതിന്റെ പിതൃത്വം രാഹുൽ മാങ്കൂട്ടത്തിന് തന്നെ ആണെന്ന് തെളിയിക്കുന്ന എന്ത്‌ മെഡിക്കൽ രേഖയാണ് ഈ ഫോൺ സംഭാഷണം പുറത്തു വിടുന്നസമയം റിപ്പോർട്ടർ ചാനലിന്റെ കൈവശം ഉണ്ടായിരുന്നത്?

ചോദ്യം-8
രാഹുൽ മാങ്കൂട്ടത്തിന്റെ പിതൃത്വത്തിൽ ആ പെൺകുട്ടി ഗർഭിണി ആയിരുന്നുവെങ്കിൽ അതിലേക്ക് നയിച്ച സെക്സിന് മുൻകൈ എടുത്തത് രാഹുൽ മാങ്കൂട്ടമായിരുന്നു എന്ന് തെളിയിക്കുന്ന എന്ത്‌ തെളിവാണ് ഈ ഫോൺ സംഭാഷണം പുറത്തു വിടുന്നസമയം റിപ്പോർട്ടർ ചാനലിന്റെ കൈവശം ഉണ്ടായിരുന്നത്?

ചോദ്യം-9
രാഹുൽ മാങ്കൂട്ടം MLA സ്ഥാനം രാജിവെക്കണം എന്ന ആവശ്യം ഒരു രാഷ്ട്രിയ പാർട്ടി മുന്നോട്ട് വെച്ചാൽ മനസ്സിലാക്കാം. എന്നാൽ ഒരു പ്രൈവറ്റ് ചാനലിന് രണ്ട് വ്യക്തികൾ തമ്മിലുള്ള തികച്ചും പ്രൈവറ്റ് മാറ്ററിൽ ഒരാളെ കുറ്റക്കാരനായി വിധിക്കാനും, അയാളുടെ അഭിമാനത്തിന് വില പറയാനും എന്ത്‌ അധികാരം?

ചോദ്യം-10
കൂടാതെ രാഹുൽ മാങ്കൂട്ടത്തിന്റെ MLA സ്ഥാനം രാജിവെക്കണം എന്ന് വിധി കൽപ്പിക്കാനും അത് ചെയ്തില്ലെങ്കിൽ കൂടുതൽ വോയിസ്‌ ക്ലിപ്പുകൾ പുറത്തുവിടുമെന്ന് പരസ്യമായി ഭീഷണിപ്പെടുത്തുന്ന രീതിയിൽ ചാനൽ മുതലാളി സംസാരിച്ചത് ബ്ലാക്ക്മെയിലിങ്ങ് അല്ലേ?

ചോദ്യം-11
ഔദ്യോഗികമായി കേസില്ലാത്ത ഒരു വിഷയത്തിൽ, രാഷ്ട്രിയമോ സാമ്പത്തികമോ മറ്റേതെങ്കിലും ഉൾപ്പെടെയുള്ള വെസ്റ്റഡ് ഇന്ട്രെസ്റ്റ് ഉള്ളതുകൊണ്ട് ആയിരിക്കില്ലേ ഈ പ്രൈവറ്റ് വോയിസ്‌ ക്ലിപ്പ് റിപ്പോർട്ടർ ചാനൽ പുറത്തുവിട്ടതും, രാഹുൽ മാങ്കൂട്ടത്തിൽ MLA സ്ഥാനം രാജിവെച്ചില്ലെങ്കിൽ കൂടുതൽ ക്ലിപ്പുകൾ പുറത്തുവിടും എന്ന് ഭീഷണിപ്പെടുത്തി ബ്ലാക്ക്മെയിൽ ചെയ്തതും? ഇതിനെല്ലാം ഉള്ള അധികാരം ഈ ചാനലിന് ആര് നൽകി?